ferrol

Iván Rivas indicou que as propostas nacionalistas irán en favor dos colectivos e barrios da cidade máis desfavorecidos e esquecidos. Barrios como o do inferniño que actualmente está vivindo unha situación moi problemática, persoas en risco de exclusión social como consecuencia do que levamos vivindo todos estes meses, ou propostas para ámbitos da cidade como a zona rural que deberían ser perceptoras dun esforzo económico maior produto do abandono de tantos anos atrás.

Iván Rivas, portavoz municipal do BNG no concello de Ferrol, indicou que compre exixir ao Estado e á Xunta que adopten medidas inmediatas que rompan coa deriva actual e sirvan de punto de inflexión de cara o futuro. e lembrou que a situación da cidade e da comarca é produto do maltrato permanente do Estado e da indiferenza da Xunta.

Iván Rivas, portavoz municipal do BNG, sinalou que o pacto pola mobilidade subscrito no ano 2018 contemplaba uns principios, obxectivos e estándares que respondían a uns criterios de mínimos e que contemplaba a elaboración dun Plan de Accións prioritarias no marco deste Pacto. Tres anos despois semella que o obxectivo debe pasar por desenvolver as medidas e principios alí recollidos máis que redefinir o pacto subscrito en 2018 baixo un prisma que rebaixa aqueles acordos.