Novas

Tras a reunión mantida entre o presidente da Xunta e o ministro de Transportes queda patente o absoluto abandono ao que tanto Xunta como Estado someten a esta cidade e en concreto en materia de infraestruturas. Unhas infraestruturas ferroviarias que manteñen illada a cidade e a comarca do resto de Galiza tanto no tráfico de mercadorías como de pasaxeiros e pasaxeiras.

Iván Rivas, comprometeuse con estes traballadores e traballadoras a solicitar ao goberno local que os reciba xa que non se comprende a negativa do goberno local a manter un encontro con este colectivo que segue agardando por unha explicación por parte do alacalde e dos responsabeis municipais, tanto polas sancións impostas como polas medidas que se adoptarán para evitar estas situacións no futuro.

O BNG presentará unha proposta alternativa de usos para a rehabilitación deste inmoble que teña en conta o contexto cultural, histórico e o traballo que Carvalho Calero desenvolveu ao redor da lingua e literatura galega. O Obxectivo desta rehabilitación debe ser conservar o patrimonio, promover a cultura, a lingua e a literatura galega e reforzar a participación e identidade do barrio e da cidade.

Após un mes da celebración da folga xeral comarcal nada se ten feito por parte de todos os gobernos responsabeis desta situación, desde o local á Xunta e o goberno Central, para dar resposta às demandas de toda a comarca.

A reunión mantida entre o Alcalde da cidade e a conselleira de Mobilidade e Infraestruturas é un exemplo do bipartidismo harmónico ao que o PP e o PSOE pretenden levar o debate político nesta cidade co obxecto de ocultar a realidade e taparse uns aos outros as súas vergoñas e responsabilidades.

O noso portavoz municipal, Iván Rivas, estivo esta mañá na estación de ferrocarril de Betanzos-Infesta na compaña de Amelia Sánchez (voceira en Betanzos) e Francisco Jorqera (portavoz na Coruña) para arroupar ao deputado no Congreso, Néstor Rego, quen lle presentou aos medios unha iniciativa para que o Estado construa dunha vez o bypass en Betanzos que reduza por volta de 20 minutos a viaxe entre Ferrol e A Coruña.

Iván Rivas solicitou hoxe ao Alcalde da cidade que negue a autorización, no monte de titularidade municipal para a instalación deste parque eólico. Así mesmo pídelle que esixa o estrito cumprimento dos requirimentos medioambientais e de protección nos terreos de titularidade privada que promovan este tipo de instalacións.

O proceso de reactivación do principal sector produtivo da cidade ten que pasar por tres piares fundamentais: a adopción dunha dirección política e empresarial que non condicione futuro dos estaleiros as directrices do Mº de Defensa, un segundo aspecto que ten que ver coa necesidade de dotar de carga de traballo no ámbito da construción civil e por último coa necesidade de contar coas infraestruturas e o persoal necesario para poder desenvolver toda esta actividade.

Coincidindo coa comemoración do aniversario do pasamento do profesor ferrolán, o BNG acusa ao goberno municipal de ter esquecido todos os compromisos públicos para con el e a súa obra e prolongar a marxinación e silencio ao que foi sometido incluso no ano no que se honraba a súa figura.

O BNG esixe ao PP e ao PSOE que deixen de xogar ao gato e ao rato cos intereses da cidade e actúen por unha vez de xeito honesto e en función dos intereses dos veciños e veciñas de Ferrol.