hostaleria

Iván Rivas, comprometeuse con estes traballadores e traballadoras a solicitar ao goberno local que os reciba xa que non se comprende a negativa do goberno local a manter un encontro con este colectivo que segue agardando por unha explicación por parte do alacalde e dos responsabeis municipais, tanto polas sancións impostas como polas medidas que se adoptarán para evitar estas situacións no futuro.

Para o BNG a actitude da Xunta de Galiza non é produto da improvisación senón da premeditación, xa que volve a decretar medidas cada vez máis restritivas para os sectores máis afectados por esta crise sanitaria-económica como o hostaleiro e o comercio sen levar aparelladas medidas paliativas e concretas que as acompañen.

Resulta un pouco cansino que desde o goberno local se reproduzan os mesmos argumentos de sempre nunha situación que si algo ten é carácter excepcional. Porque a proposta de modificación de ordenanzas incide na liña económica de rebaixas fiscais aos que máis teñen emprendida por este goberno desde o inicio do mandato.

Para o BNG a administración local debería deixar sen efecto e suspender, con carácter automático, todos aqueles tributos municipais que gravan a actividade destes locais, a empezar pola ocupación do espazo publico para a ocupación de terrazas que xa non poderán habilitar e a continuar co suspensión das taxas de auga, lixo, depuración e saneamento que se xestionan desde o concello de Ferrol.