ACUAES

Iván Rivas, portavoz municipal do BNG, acusou ao alcalde da cidade Angel Mato de saltarse todos os procedementos de control para a xestión do diñeiro público e querer aboar unhas facturas remitidas ao concello pola empresa pública ACUAES que ningún órgano municipal aprobou.

O BNG advirte que o alcalde está a promover unha nova addenda ao convenio con ACUAES que incrementará os importes que os veciños e veciñas desta cidade teñan que pagar pola execución das obras de saneamento e unha prorroga do convenio de xestión da EDAR polo cal seguiremos a pagar a depuración do concello de Narón.

 

 

 

 

 

 

 

 

 

 

O BNG pídelle explicacións ao alcalde da cidade pola intención deste de levar a pleno o pago de dúas facturas a ACUAES que suman un importe de 162.000€, o que supón unha clara contradicción coas propias palabras do rexedor de hai menos dun mes nas que afirmaba que non existía ningún documento que “avalara que Ferrol deba pagar o 70 % dos custes de mantemento das instalacións de saneamento” e que por tanto non ía pagar as facturas de ACUAES.

O BNG censura que o goberno municipal non queira abordar o problema de fondo do saneamento e se limite a discutir a porcentaxe que debe pagar sen poñer en entredito o modelo, nin a forma de xestión e indícalle que a mellor maneira de deixar de pagar o 100% polos custos de saneamento é devolverlle a EDAR ao seu propietario, Augas de Galiza.