Ferrol 20 de febreiro de 2025. Iván Rivas, portavoz municipal do BNG en Ferrol, esixiu ao Goberno local de Rey Varela que repoñan a marquesina suprimida no porto de Curuxeiras tras a execución das obras de urbanización desta dársena ou instale un espazo equivalente na contorna da antiga parada. Rivas lembrou que a urbanización deste espazo inaugurouse recentemente sen que se habilitase unha solución alternativa á preexistente.

Iván Rivas, portavoz nacionalista, considera inexplicable que a reforma da dársena de curuxeiras, impulsada polo Partido Popular a través da Xunta, Autoridade Portuaria e Concello dentro do denominado proxecto de “Abrir Ferrol ao Mar” non tivera en conta aos usuarios do transporte público eliminado a única marquesina existente no porto e o lugar onde estacionaban os buses para agardar a súa hora de saída. Condenando agora aos usuarios a agradar na beirarrúa nas portas da Cortina, aos buses a ter que agardar ocupando grande parte do carril de circulación e aos coches a ocupar o carril contrario cando isto ocorre.

O BNG deu traslado desta situación e das queixas dos veciños e veciñas de Ferrol Vello e usuarias do transporte público ao goberno municipal na comisión de urbanismo desta semana e a nosa sorpresa foi maiúscula cando o goberno local non só asumiu con total normalidade esta situación senón que deixou entrever que as intencións eran suprimir esta parada.

Iván Rivas sinala que o BNG non vai permitir que se suprima esta parada e acusa a Rey Varela de querer vivir nun deja vú ao lembrarlle que xa no seu anterior mandato a veciñanza da cidade tivo que mobilizarse dinate dunha proposta similar. Rivas pregúntalle a Rey Varela se ten algunha obsesión para que o trasnporte público non chegue a Ferrol Vello.

Asi mesmo o BNG esixe a Xunta, ao Concello e a Autoridade Portuaria a dar unha solución inmediata e repoñer a marquesina e o estacionamento dos buses no porto curuxeiras polo ben do servizo e das usuarias do Transporte Público.