Ferrol 13 de abril de 2026. Iván Rivas, portavoz municipal do BNG no concello de Ferrol, censurou hoxe a decisión do goberno local de Rey Varela de talar a masa arborea existente na praza de Rosalia e lamentou que unha vez máis o Partido Popular opte pola eliminación das arbores existentes neste espazo no canto de conservalas.

Rivas advertiulle ao Alcalde da cidade que a vexetación e en concreto as arbores son hoxe un instrumento fundamental para o desenvolvemento das cidades sostibles e lembroulle, unha vez máis, que Ferrol ten un déficit significativo de vexetación nos seus núcleos urbanos

Para Rivas a eliminación das árbores que se atopaban na praza de Rosalía veñen a engrosar o listado do arboricidio perpetrado polo Partido Popular na nosa cidade sumándoas as talas realizadas no paseo de irmandiños. Para O BNG esta actuación supón un atentado medioambiental incomprensíbel que provoca sorpresa e indignación na maioría da veciñanza. Así mesmo lamentas que o goberno local non informara nin xustificara adecuadamente esta decisión.

Para Rivas este tipo de actuacións con solucións tan drásticas e sen tan sequer estudar a adaptación do proxecto para a conservación das árbores ou o traslado destes exemplares a outros puntos da cidade volven a facer saltar todas as alarmas en relación a como actúa o goberno local coa masa arborea da cidade.

O BNG considera que na urbanización desta zona, ou doutras da cidade, se se queren susbstituir os exemplares existentes por outro tipo de vexetación debería, primeiramente, contemplar o mantemento ou reubicación das arbores existentes antes de proceder a súa tala sen argumentos que xustifiquen esta acción.

Á vista de como actúa o goberno local nos seus proxectos urbanísticos, todo fai indicar que Rey Varela e a nova concelleira de Medio Ambiente, Blanca Garcia, asumen á máxima expresada por parte do concelleiro, José Tomé, nas que afirmaba que “los árboles son para estar en las praderas”.

É por isto que o BNG reafirmase na idea de que o que precisa Ferrol é unha adaptación dos seus espazos urbanos a aos novos estándares de deseño e polo tanto proxectos de urbanización que contemplen a vexetación como un elemento a preservar e valorar.