Ferrol contou en 2018 cuns ingresos de 50M de euros. Pontevedra con 75M de euros.

Parece obvio que en Ferrol temos un grave problema de diñeiro. As grandes empresas e as administracións públicas que deberían colaborar coa cidade non pagan os impostos que pagamos o resto. E o problema xa non é a indiferenza dos que nos tratan como a un saco sen fondo, o problema é que contan coa complicidade de PP, PSOE, e FeC que llo permiten.

Porque...

1. NAVANTIA que só paga IBI por orde xudicial, dilata a orde de inicio das F110 e reduce en máis dun 25% o seu plantel.

2. EMAFESA non paga 1,4 M de euros ao ano pero nos cobra as taxas de auga e depuración porque PP e FeC llo toleran.

3. O Ministerio de Defensa non paga os impostos que lle obriga a lei por propiedades abandonadas como o Sánchez Aguilera.

4. O Ministerio de Defensa tampouco compensa con un só euro á cidade por ocupar máis do 20% solo urbano gratuítamente.

5. A Autoridade Portuaria non paga 0,7 millóns de euros ao ano de IBI polo Peirao Exterior.

6. A Xunta de Galiza non paga impostos polo Hospital nin o quere facer coa ampliación.

7. A Igrexa non paga un euro polos edificios que non están destinados ao culto, como vivendas ou aparcadoiros.

Son millóns e millóns de euros ao ano que os ferroláns deixan de recibir e aínda así todos eles contan con auga, electricidade e acceso a todos os servizos municipais pola complicidade con PP, PSOE e FeC.

Como imos saír adiante se os que nos deberían botar unha man non nola quitan do pescozo?

Por iso de cara ao próximo mandato municipal compre:

• Cobrarlle ao Mo de Defensa os impostos que ten obriga de pagar
• Cobrarlle a EMAFESA o canón que ten que pagar por xestionar o auga.
• Cobrarlle a Igrexa polas propiedades que non son de culto.
• Cobrarlle á Autoridade Portuaria os impostos correspondentes polo Peirao Exterior.
• Cobrarlle ás subministradoras de enerxía( electricidade, gas) e telefonía pola ocupación de solo público.
• Facer un censo de propiedades da Igrexa e do Estado, aclarando o seu uso e estado.
• Facer un censo de vivendas e locais baleiros e cobrar un recargo aos que non se queiran alugar.

Se queres resultados diferentes, non fagas sempre o mesmo