Ferrol 27 de maio de 2025. Iván Rivas, portavoz municipal do BNG no Concello de Ferrol, tras a reunión mantida esta maña co Director Xeral de Ferrocarrís considera que a mesma serviu para poder transmitirlle a necesidade de modernización das infraestruturas ferroviarias de conexión coa cidade da Coruña. Rivas incidiu na necesaria modernizacion en dous aspectos que deberiamos abordar de maneira imediata, como é a resolución das alegacións ao estudo informativo para o by-pass de Betanzos e o inicio do proceso para a redacción do proxecto e as obras asociadas a estes traballos e tamén pola electrificación do trazado, electrificación pendente durante os últimos anos.

Iván Rivas considera que a outra perspectiva a ter en conta é que desde o propio Ministerio se sexa consciente da necesidade que hai de desenvolver unha reforma do trazado actual de cara a reducir os tempos de viaxe de conexión coa cidade da Coruña, duplicando a vía para poder asi aumentar as frecuencias, para logo demandar por parte da Xunta de Galiza en colaboración coa administración estatal a xestión das infraestruturas ferroviarias dos corredores internos, tanto no que ten que ver co ancho metrico co ancho ibérico, para poder adaptala as necesidades dos veciños e veciñas dun ámbito territorial que supera os 600.000 habitantes

Rivás considera que nas reunións que manterán cos diferentes grupos parlamentares é crucial que tras o analizado esta maña e avanzado no aspecto técinco se poidan concretar acordos de tipo político que nos permitan cando menos establecer un punto de inflexión para unha reivindicación histórica da nosa cidade e da nosa comarca.