Ferrol 19 de maio de 2023. Iván Rivas candidato do BNG a alcaldía de Ferrol, presentou esta maña unha proposta consistente en dotar á cidade de Ferrol de máis de 500.000 m² de zonas verdes que poidan estar conectadas entre sí mediante vías peonís e ciclabes.

Iván Rivas salientou que para o BNG Ferrol é unha cidade que ten moitísimos recursos por aproveitar e un deles é converter a esta cidade nunha cidade sustentábel e saudábel mediante o desenvolvemento de grandes espazos verdes que poidan estar interconectados e que abrangan o conxunto dos barrios da cidade.

A proposta que fai o BNG pretende crear cerca de 330.000 m² de zonas verdes no ámbito máis urbano da cidade e incorporar 170.000 m² na zona rural do concello. Uns espazos interconectados que permitan recorrer a cidade tanto a pe como en bicicleta xa que no momento actual a sustentabilidade é un elemento transversal que debe condicionar calquera proposta que se poida dar tanto no aspecto político, como no económico e debemos empezar a pensar a cidade do futuro sobre a base destes criterios dunha maneira clara e contundente.

Rivas indicou que para o BNG hai un elemento fundamental no propio centro da cidade como é o Sanchez Aguilera que debería destinarse a crear un gran pulmón verde no corazón da cidade que significaría incorporar 90.000 m² de zona verde no corazón da cidade. unha proposta que tentaremos facer viábel despois das eleccións do 28 de maio e que xunto a outro tipo de espazos que incorporariamos a este tipo de conxunto de zonas verdes xerarian melloras moi salientabeis para os veciños e veciñas desta cidade.

A proposta presentada esta mañá recolle zonas verdes existentes na cidade con outras de nova creación como o antigo polígono de tiro de Catabois (11,600m²), Crear o paseo do Río da Sardiña, o novo parque do Bertón ( 5.500 m²) o Bosque comestible de Canido, acondicionar o parque do Montón (11.971 m²). Crear unha aula da natureza no antigo campo de Tiro de Doniños ( 86.583 m²) ou o parque de Mouga (83.468 m²)

Iva Rivas quixo lembrar que a infraestrutura de espazos verdes interconectados entre eles provoca e xera melloras na calidade ambiental dos espazos onde vivimos de maneira cotiá, xera ámbitos de socialización e de promoción da cultura, amortigua o ruído e xera evidentes melloras medioambientais respecto da contaminación aérea sobre todo nos ámbitos urbanos. É por isto que as decisión que vaian orientadas neste senso son as mellores decisións se poden tomar nunha cidade como Ferrol, daí o noso noso compromiso para desenvolver un proxecto de Ferrol verde, dunha cidade sustentábel e no fondo dunha cidade saudábel.