Ferrol 27 de setembro de 2022. O Bloque Nacionalista Galego de Ferrol acusou esta mañá ao goberno municipal de improvisación na programación das actividades extraescolares para os CEIP da cidade as cais non van dar comezo o dia 1 de outubro como debería acontecer.

María Lopez, concelleira do BNG en Ferrol, considera que unha vez máis a palabra do responsábel de educación o señor Golpe queda en entredito, xa que asegurou a comezos de setembro que as actividades darían comezo o 1 de outubro e a semana pasada atrasaba a posta en marcha destas actividades, polo menos, 10 días, cuestión que dubidamos posto que o prazo de presentación de ofertas para a licitación destas actividades remata, aínda, o día 5, polo que queda pouca marxe para desenvolver os trámites administrativos.

Desde o BNG queremos resaltar a importancia dunha boa planificación destas actividades posto que inflúen de xeito directo na conciliación familiar, igual que é preciso que os centros saiban que saiban de antemán que actividades van poder ofertar para o curso seguinte polo que agardar ao comezo de curso non é o máis acaido. Este ano o goberno local entregou a súa proposta na época de verán cando só están nos centros as direccións e non poden tomar elas soas a decisión. Así como para facilitar as familias a planificación do curso escolar e das actividades das crianzas.

Para o BNG está a acontecer o mesmo co Plan de Natación Escolar ao cal se están sumando poucos centros ao ser presentado aos centros a comezos do mes de setembro, despois de dous anos sen terse ofertado e que cando os calendarios escolares xa estaban pechados o que dificulta aos centros artellar cambios nos horarios para poder participar desta actividade.

O BNG considera que para futuras edicións o goberno local deber ofertar estas actividades con antelación sufciente para que os centros e as familias poidan organizarse.