O BNG esixe ao Goberno Local que cumpra a ordenanza de normalización lingüística

O BNG esixe ao Goberno Local que cumpra a ordenanza de normalización lingüística

 

Ferrol 12 de marzo de 2014. O Bloque Nacionalista Galego de Ferrol desenvolveu esta maña unha acción reivindicativa para chamar a atención sobre o comportamento do Goberno Municipal, desde que tomou posesión, a respecto dos usos da lingua galega.

O BNG quixo desenvolver un acto símbolico para evidenciar a actiude de desleixo fronte a lingua que mantivo durante todos estes anos o goberno municipal e que se exemplifica na última campaña posta en marcha polo goberno local, o plan de dinamización comercial do centro, que incumpre a Ordenanza Municipal de normalización lingüística na que especifica que a lingua oficial do concello de Ferrol é o idioma galego.

O BNG sinala que esta campaña esta toda en castelá, tanto os trípticos como a cartelería como a paxina web.

O BNG quixo facer coincidir este acto co día no que o Goberno Local ten convocado o Consello Municipal da Lingua, unha convocatoria que se fai como se se tratara dun acto ritual, no que só se inclue un único punto da orde do día: posicionarse sobre a candidatura de Ricardo Carvalho Calero ao Día das letras Galegas.

O BNG lembra que este tema é unha proposta que xa esta aprobada en reiteradas ocasións polo pleno da corporación municipal e na que todos os grupos da corporación están dacordo e fronte a que a figura de Carvalho Calero este goberno municipal non ten ningún compromiso real como se evidencia no estado no que se atopa a propia vivenda deste personaxe representante da lingua e cultura galega e como se evidencia no feito de que este goberno municipal non ten nas súas bibliotecas públicas a obra completa do profesor ferrolán

O BNG con esta acción o que quere é reivindicar o feito de que no Concello de Ferrol é preciso que se cumpran as propias ordenanzas das que se ten dotado a propia administración municipal, entre elas a de normalización lingüística, algo que os membros do Goberno Local non acatan e incumpren desde que chegaron ao goberno desta cidade.

20140312_123752