O BNG di que Angel Mato e os alcaldes socialistas quedaron retratados co seu silencio diante dos orzamentos do Estado
O BNG de Ferrol afirmou que Angel Mato e o resto de alcaldes socialistas xa quedaron retratados co seu silencio diante dos orzamentos xerais do estado, que non adican un só euro a nosa cidade e a nosa comarca. Para Rivas a proposta de Angel Mato e do Partido Socialista incide nunha fórmula xa probada e fracasada na nosa comarca precisamente polos incumprimentos e a marxinación que tanto o PSOE coma o PP someten a Ferrolterra cando dirixen o Goberno Central.
Ferrol 14 de xaneiro de 2021. Iván Rivas, portavoz municipal do BNG en Ferrol, afirmou esta mañá que Angel Mato e o resto de alcaldes socialistas xa quedaron retratados co seu silencio diante dos orzamentos xerais do estado, que non adican un só euro a nosa cidade e a nosa comarca. Para Rivas a proposta de Angel Mato e do Partido Socialista incide nunha fórmula xa probada e fracasada na nosa comarca precisamente polos incumprimentos e a marxinación que tanto o PSOE coma o PP someten a Ferrolterra cando dirixen o Goberno Central.
Iván Rivas pregúntalle a Angel Mato a quen ten pensado representar nesa suposta mesa de traballo, se ao Partido Socialista de Ferrol ou a corporación municipal à que non lle preguntou a súa opnión sobre esta proposta. Ademais, lémbralle que como alcalde de Ferrol foi incapaz de alzar a voz nin defender a inclusión nos orzamentos xerais do estado, aprobados hai menos de un mes, partidas destinadas a paliar a principais eivas da nosa cidade como investimentos en Navantia, a mellora da nosa ría, a mellora das conexións ferroviarias da nosa cidade ou a compensación pola ocupación de terreos de Defensa, propostas todas elas aprobadas no pleno de Ferrol e que Angel Mato non só non quixo defender senón que silenciou.
O BNG considera que o primeiro que debería aclarar o alcalde da cidade son as propostas, as medidas e as alternativas que pretende poñer enriba da mesa, cousa que até o de agora non fixo e polo tanto só se representa a sí mesmo. Para o BNG, Angel Mato é libre de facer as asembleas do Partido Socialista que queira máis non como representante dunha corporación municipal que a día de hoxe permanece allea a estas propostas.
O BNG considera que Mato e os alcaldes socialistas da comarca buscan desviar o foco de atención sobre o principal responsábel de que Navantia se atope como está, da crise da industria auxiliar, de quen lle permite a Endesa pechar sen aportar unha alternativa, de quen nega investimentos para rexenerar a ría, de quen manten o illamento de Ferrol sen mellorar as conexións ferroviarias e aumentando as peaxes da AP9, que non é outro que o Goberno Central do PSOE e Unidas Podemos.
Asi mesmo Iván Rivas considera que a Xunta de Galiza é cómplice da situación que atravesa a cidade de Ferrol e a comarca de Ferrolterra, tanto no que ten que ver coa actual situación dos estaleiros produto de enganos reiterados e anuncios sen concreción como os famosos floteis de PEMEX como nas concesións que outorgaron a empresas como Gamesa para montar as instalacións a cambio de 760W en parques eólicos que adxudicou a Xunta, como nas subvencións que entregaron a Endesa para montar os ciclos combinados e que agora pechan, tolerando durante décadas explotar os nosos recursos natuarais con cartos públicos para agora marcharse sen máis.
Iván Rivas pregúntalle a Angel Mato a quen ten pensado representar nesa suposta mesa de traballo, se ao Partido Socialista de Ferrol ou a corporación municipal à que non lle preguntou a súa opnión sobre esta proposta. Ademais, lémbralle que como alcalde de Ferrol foi incapaz de alzar a voz nin defender a inclusión nos orzamentos xerais do estado, aprobados hai menos de un mes, partidas destinadas a paliar a principais eivas da nosa cidade como investimentos en Navantia, a mellora da nosa ría, a mellora das conexións ferroviarias da nosa cidade ou a compensación pola ocupación de terreos de Defensa, propostas todas elas aprobadas no pleno de Ferrol e que Angel Mato non só non quixo defender senón que silenciou.
O BNG considera que o primeiro que debería aclarar o alcalde da cidade son as propostas, as medidas e as alternativas que pretende poñer enriba da mesa, cousa que até o de agora non fixo e polo tanto só se representa a sí mesmo. Para o BNG, Angel Mato é libre de facer as asembleas do Partido Socialista que queira máis non como representante dunha corporación municipal que a día de hoxe permanece allea a estas propostas.
O BNG considera que Mato e os alcaldes socialistas da comarca buscan desviar o foco de atención sobre o principal responsábel de que Navantia se atope como está, da crise da industria auxiliar, de quen lle permite a Endesa pechar sen aportar unha alternativa, de quen nega investimentos para rexenerar a ría, de quen manten o illamento de Ferrol sen mellorar as conexións ferroviarias e aumentando as peaxes da AP9, que non é outro que o Goberno Central do PSOE e Unidas Podemos.
Asi mesmo Iván Rivas considera que a Xunta de Galiza é cómplice da situación que atravesa a cidade de Ferrol e a comarca de Ferrolterra, tanto no que ten que ver coa actual situación dos estaleiros produto de enganos reiterados e anuncios sen concreción como os famosos floteis de PEMEX como nas concesións que outorgaron a empresas como Gamesa para montar as instalacións a cambio de 760W en parques eólicos que adxudicou a Xunta, como nas subvencións que entregaron a Endesa para montar os ciclos combinados e que agora pechan, tolerando durante décadas explotar os nosos recursos natuarais con cartos públicos para agora marcharse sen máis.
Máis novas
